Diakoniprisen 2025

DIAKONIPRISEN FOR 2025 TIL PER EMANUELSEN

Under ei godt besøkt Diakonisamling for Vest- Telemark i Vinje-huset sundag kveld( 27.04.25) vart Per Emanuelsen (72) heidra.

Kristiansandaren Per Emanuelsen kom til Vest-Telemark i 1985 for å bygge opp landets fyrste prostidiakonstilling. Kyrkjefolka i Vest- Telemark skjøna at ein kvar for seg var for små, men gjennom samarbeid og solidaritet kunne ein få til ei fagstilling på eit viktig arbeidsområde i kyrkja.

Etter seks år i Vest- Telemark bygde han opp likande stillingar i Otredalen prosti   og jammen  rakk han nokre år i Aust-Nednes prosti, også.

Han blei ein diakon på hjul, sa styreleiar for Prostidiakonatet i Vest- Telemark Gunnar Øverland ved utdelinga; « ein diakon som var på farten, som nytta tida til å bygge relasjonar ved å  stikke innom, dukke opp og møte folk. Møtte folk der dei var, på dei naturlege møtestadene i bygdene. Ved eit 40- års jubileet kan ein glede seg over at det vart ei stilling den gongen. Det heldt  hardt mange gonger. Per skal ha ros for at han aldri gav opp.»

Vest- Telemark modellen i diakoni har vore modell for  likande slike stillingar. I Søndre-Follo prosti, Ringsaker prosti, Karmøy prosti og Stavanger domprosti.

Dette var 22 gong Diakoniprisen for Vest- Telemark vart delt ut.

Bildetekst: Den første prostidiakonen  Per Emanuelsen ( til høgre) kom for å halde festtale, men blei også heidra med Diakoniprisen. Her får han den av styreleiar i Diakonatet Gunnar Øverland.

Tidlegare Diakoniprisvinnarar 
1994: Gotfred Rekkebo (post mortem), Nissedal 
1995: Vest-Telemark Blad, Kviteseid 
1996: Kirkens SOS i Telemark, 
1997: Nattcaféen i Treungen, Nissedal 
1998: Anna Midtgård, Kviteseid
1999: Kari Veum, Nissedal
2000: Bjørn Hove, Møsstrond, Vinje 
2001: Kirsti og Magne Skjæveland, Kviteseid
2002: Diakonitenesta for skogsleiren i Fyresdal, Fyresdal 
2003: KFUM-speidarane i Vinje og Edland, Vinje 
2004: Waldenstrøm Kafe, Kviteseid 
2005: Oddvar Ripegutu, Søgne
2006: Arthur Haugen, Tokke
2007; ”Ungdom hjelper ungdom.” Kvitsund-prosjekt som driv ungdomsklubbar i Vest-Telemark, Kviteseid
2008: Leif og Signe Sølyst, Fyresdal
2009: Tusen Stjerner, Tokke
2010 Else Ibrekk, Kviteseid 
2011 Martha Tveit, Nissedal
2012 Gunstein Seltveit, Tokke   
2013. Kari Bjåen, Vinje 
2014 Bønefelleskapet i Rauland, Vinje 
2015 Kjell Lindheim, Kviteseid 
2016 Gudny Lid Unhjem, Vinje 
2017 Inger Johanne Aaheim, Nissedal 
2018 Kakeringen, Vinje 
2019 Tilsette og innsette i Arendal fengsel avdeling Kleivgrend , Fyresdal 
2020: Kvendelaget i Åmot, eit økumenisk- diakonal tiltak som driv hjelpearbeid i Aust- Europa 
2021: Yngres i Vrådal, Kviteseid 
2022 Liv Kjellfrid Lia, Nissedal 
2023: No Boots, Kviteseid 

2024: Krosslimusikken

2025:  Per Emanuelsen